Nauðsyn þess að beina samgöngustefnu í rétta átt

Framangreindar niðurstöður er að finna í skýrslunni "Transport at a crossroads" (samgöngur á krossgötum), sem Jacqueline McGlade prófessor og framkvæmdastjóri Umhverfisstofnunar Evrópu kynnti í dag á Evrópuþinginu í Brussel, "við vitum að tæknin er til staðar til að takast á við áhrif samgangna á umhverfi Evrópu. Mörg ökutæki sem nú eru framleidd eru langt frá því að vera umhverfisvæn og í vöruflutningum eru óskilvirkustu flutingaaðferðirnar enn þær vinsælustu auk þess sem járnbrautakerfið hefur enn ekki verið sameinað innan Evrópusambandsins."

"Nú þegar við þurfum að beita sjálfbærum og umhverfisvænum lausnum til þess að takast á við efnahags- og umhverfisvandamál, stefnir þróun samgangna í ranga átt og þær munu áfram stuðla að loftmengun, aukinni losun gróðurhúsalofttegunda og öðrum neikvæðum umhverfisáhrifum," sagði McGlade prófessor.

• Losun gróðurhúsalofttegunda hefur aukist um 26 % eða 180 milljón tonn (EU-15) á árunum milli 1990 og 2006, ef undanskilinn er flutningur milli landa loft- og sjóleiðina. Hækkunin er meiri en sem nemur árlegri losun á landsvísu fyrir árið 2006 frá Belgíu (132 milljón tonn), eða Rúmeníu (157 milljón tonn). [1]
• Á árunum milli 1996 og 2006 jukust flutningar mældir í tonnkílómetrum í aðildarríkjum Evrópusambandsins um 35 % eða sem nemur 650 M tonnkílómetrum, eða talsvert meira en flutningar í Þýskalandi eru í heild. Markaðshlutdeild flutninga með járnbrautum og innanlands á vatnaleiðum fór minnkandi.
• Á milli1995 og 2006 jókst bílaeign í hinum 27 aðildarríkjum Evrópusambandsins um 22 %, þ.e. um 52 milljón bíla. Þetta er aukning sem jafngildir samanlagðri heildarbílaeign í Bretlandi og á Spáni. Fjöldi kílómetra sem farþegar frá aðildarríkjum Evrópska Efnahagssvæðisins ferðuðust jókst um 65 milljón kílómetra árið 2006.
• Loftmengun frá bifreiðum fer minnkandi, en loftgæði er enn vandamál í Evrópu allri.

Skorið á tengsl milli aukningar í samgöngum og hagvaxtar

Hægt er að draga úr umfangi samgangna með með vel ígrundaðri stefnumörkun til að stýra eftirspurn eftir slíkri þjónustu. Þannig myndi nást bætt skilvirkni í samgöngum með tilliti til hagkerfisins og tengsl milli hagvaxtar og aukningar í samgöngum og yrðu rofin. Í skýrslunni er einnig að finna staðfestingu á því að verðlagning hefur mikil áhrif á val neytenda á flutings- og ferðamáta, en aukin eftirspurn um 20 % eftir almenningsvagnaþjónustu tengist 10 % hækkun á olíuverði.

"Enn er þörf á skýrum, mælanlegum, raunsæjum og tímatengdum markmiðum til að draga úr losun gróðurhúsalofttegunda og loft- og hljóðmengun vegna samgangna. Það sem e.t.v. skiptir meira máli, er að neytendur sýndu fram á það á árinu sem leið, að verðlagning eldsneytis og vegatollar gegna mikilvægu hlutverki í því að takast á við eftirspurn eftir samgöngum," segir McGlade prófessor.

Bakgrunnur skýrslunnar

Skýrslan "Transport at a crossroads" er gefin út árlega frá upplýsingakerfi Umhverfisstofnunar Evrópu um samgöngu- og umhverfismál (TERM), sem vaktar árangur aðgerða til þess að samþætta samgöngu- og umhverfisáætlanir. "TERM" hefur gefið út skýrslur frá því á árinu 2000 og þær varpa ljósi á þætti sem geta verið mikilvægir við stefnumótun í Evrópusambandinu. Öll aðildarríki Umhverfisstofnunar Evrópu eiga að geta nýtt sér efni hennar.

Aðildarríki Umhverfisstofnunar Evrópu eru: Austurríki, Belgía, Búlgaría, Kýpur, Tékkland, Danmörk, Eistland, Finnland, Frakkland, Þýskaland, Grikkland, Ungverjaland, Ísland, Írland, Ítalía, Lettland, Liechtenstein, Litháen, Lúxemborg, Malta, Holland, Noregur, Pólland, Portúgal, Rúmenía, Spánn, Slóvakía, Slóvenía, Svíþjóð, Sviss, Tyrkland og Bretland.

Um Umhverfisstofnun Evrópu (EEA)

EEA hefur aðsetur í Kaupmannahöfn. Hlutverk stofnunarinnar er að aðstoða við að ná mikilvægum og mælanlegum framförum í umhverfismálum í Evrópu með því að bjóða tímanlegar, markvissar, viðeigandi og traustar upplýsingar fyrir stefnumarkandi aðila og almenning.

Vinsamlegast beinið fyrirspurnum frá fjölmiðlum til

Òscar Romero Sanchez

Blaðafulltrúi

Sími: +45 3336 7207

Farsími: +45 2368 3671

Gülçin Karadeniz

Blaðafulltrúi

Sími: +45 3336 7172

Farsími: +45 2368 3653