Għin lill-pjaneta tagħna, ipprintja din il-paġna biss jekk ikollok bżonnha. Anke azzjoni żgħira tista’ tagħmel differenza enormi meta jagħmluha miljuni ta’ persuni!
News
Il-Patt Ekoloġiku Ewropew u l-Pjan ta’ azzjoni tal-UE għal tniġġis żero ipoġġu fokus speċjali fuq it-titjib tal-istat tan-natura tal-Ewropa u fuq il-ħolqien ta’ ambjent ħieles mis-sustanzi tossiċi li ma jagħmilx ħsara lis-saħħa tal-bnedmin u lill-ekosistemi. Saħħitna, il-kwalità tal-ħajja u l-benesseri tagħha huma marbuta b’mod inseparabbli ma’ ambjent nadif.
Il-kompetizzjoni tar-ritratti tal-EEA “Well with Nature” tenfasizza l-konnessjoni tagħna man-natura, kemm nieħdu ħsiebha, u kif tista’ żżommna b’saħħitna emozzjonalment u fiżikament. Għandha l-għan li tissensibilizza dwar il-benefiċċji li lkoll nistgħu nirċievu billi nieħdu azzjoni għal tniġġis żero.
Ir-regoli huma sempliċi: Ibgħatilna mhux aktar mill-aqwa ħames ritratti tiegħek tan-natura fi kwalunkwe waħda mill-erba’ kategoriji tal-kompetizzjoni - l-arja, l-ilma, l-art, il-ħoss - sal-1 ta’ Ottubru 2022.
Ir-rebbieħ f’kull kategorija se jirċievi premju fi flus kontanti ta’ EUR 1 000. Jingħataw premjijiet addizzjonali lill-aħjar entrata taż-żgħażagħ kif ukoll lir-ritratt favorit tal-pubbliku.
Il-parteċipanti kollha jrid ikollhom mill-inqas 18-il sena u jkunu ċittadini ta’ wieħed mit-32 pajjiż membru tal-EEA jew 6 pajjiżi li jikkooperaw, inklużi s-27 Stat Membru tal-UE, l-Iżlanda, il-Liechtenstein, in-Norveġja, l-Iżvizzera, it-Turkija, l-Albanija, il-Bożnija-Ħerzegovina, il-Kosovo*, il-Montenegro, il-Maċedonja ta’ Fuq, u s-Serbja.
Aqra aktar dwar il-kategoriji tal-kompetizzjoni, ir-regoli u kif tipparteċipa fuq il-Paġna tal-kompetizzjoni “Well with Nature”.
*Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244 u l-Opinjoni tal-QIĠ dwar id-Dikjarazzjoni ta’ Indipendenza tal-Kosovo.
For references, please go to https://eea.europa.eu./mt/highlights/kompetizzjoni-tar-ritratti-tal-eea or scan the QR code.
PDF generated on 23 Dec 2024, 05:41 AM
Engineered by: Tim tal-Web tal-EEA
Software updated on 26 September 2023 08:13 from version 23.8.18
Software version: EEA Plone KGS 23.9.14
Dokument ta’ Azzjonijiet
Ikkondividi ma’ oħrajn